Metîn û Kemal Kahramanî da zanayene ke konserê înan ê Mûşî rojêke verî ameyo betalkerdene.
Konserê Mûşî yê Metîn-Kemal Kahramnî yo ke ewro do biameyêne kerdene hetê Walîtîya Mûşî ra ame qedexekerdene. Metîn-Kemal Kahramanî bi eşkerayîyêke xebera betalkerdişî da zanayene.
Eşkerayîye de ame vatene ke betalkerdişê konserî têna vera hunermendan nê vera goşdaran, muzîsyenan û xebtkaranê muzîkî zî bêhûrmetî ya. Metin-Kemal Kahramanî pare kerd ke înan mengî verî amadekarîyê konserî kerdî, bilêtî rotî, destûr girewt û walîtîye pê na bira xo zor da merdiman. Birayanê Kahramanan vat: ''Walîtîye bi nê hawayî kerd ke nefreyê xo bineyna zî bo rehet bikera. Sere de MUYOR-BÎR û MESAM ma venga pêro dezgehan danê ke vera na rewşe tewir bigêrê.''
Verî zî konserê Aynure Dogan hetê Şaredarîya Kocaelî ya AKPyî ra, kayê Tîyatroyê Şaristanî yê Amedî hetê Şaredarîya Çayirova ya Kocaelî ra ameybî qedexekerdene.