Hukmatê AKP û serekê ey Recep Tayîp Erdoganî çend rojî verê cû dest ronabi 3 beledîyeyanê Vakurê Kurdistanî (Amed, Mêrdîn, Wan) ser û qeyûm tayînê beledîyeyan kerdbi. Semedo ke tayînkerdişê qeyûman protesto bikerê Amed û xeylê wîlayetan de protestoyî dewam kenê.
Amed de vernîya Beledîyeya Amedî de her roje protesto esto. Na hewe Serekê Partîya demokrata Kurdistanî (PSK) Mesud Tek û Serekê Beledîyeya Dêrsimî Fatîh Mehmet Maçoğlu zî vernîya Bledîyeya Amedî de desteg day protestoyan.
Serekê PSKî Mesud Tekî va: Qerarê tayînkerdişê tena semedê HDP nêameyo dayîş, no qerar, îradeyê şarê Amedî û îradeyê şarê Kurdî rê hêriş o.
Mesut Tekî dewamê qiseykerdişê xo de va, Man ê qerarê AKP protesto kenê. Ma do hetanî peynî kişta şarê xo de ca bigîre. No qerar hûqûqî nîyo. Kenê ke vernîya mucadeleyê Kurdan o legal bigîrê. Ma do na mesela de desteg bide HDP.
Serekê Beledîyeya Dêrsimî Fatîh Mehmet Maçogluyî zî va: Gere her kes vera nê qerarî vejîyo. Gere karkerî, emegdarî bêrê têhet û mucadele bikê.