Serekê Partiya Sosyalîst a Kurdistanî (PSK) Mesûd Tek xebata partiyanê Kurdistanî ke înan rê dewaya qefilnayîşî ameya akerdiş ser o qisê kerd.
Serekê Partiya Sosyalîst a Kurdistanî (PSK) Mesûd Tek vano: Ma hazirê ke heme partiyanê Kurdistanîyan dir derheqê dewayanê qefilnayîşî de pîya xebate bike. Mesûd Tekî îzeh kerd ke, înan Partîya Azadîya Kurdistanî (PAK) dir pîya, partiyê Tirkiya, dezgeyê sivîl û şexsîyetan dir pêvînayîş kerdo û derheqê na mesela de hetkarîya înan ameya waştene.
Serekê PSK va: Ma do seba daşinasnayîşê partîyanê Kurdistanî, konsolonsxaneyanê welatanê teberî dir zî têkilî rone. Çi heyf ke wazîyetê Tirkîya yo sîyasî xirab o. Tirkîya de demokrasî û nermî çin a. Çi heyf ke Tirkîya sey dîktatorî yena îdarekerdene. Gere Tirkîya bizana ke bê Kurdan nêeşkena biba serkewte. Eke Tirkîya nêeşka meseleya Kurd safî bika, nêeşkena biba welatêko demokratîk.