Serekkomarê Herêma Kurdistanî Mesrûr Barzanî, kombîyayîşê Heyetê Wezîran ra dima beyanatêk da.

Serekwezîr Mesrûr Barzanî beyanatê xo da wîna va:

“Ma sey Hukmatê Herêma Kurdistanî semedo ke meseleyan safî bike çi destê ma  ra yen oma kenî..

Ma xîret kenî ke, heqê şarê Kurdistanî yê qanûnî bêrê dayene, ma semedê nê heqanê qanûnîyan xebata xo domnenê.

Semedo ke wa şarê Kurdistanî waştişanê xo pê rayîrê  demokratîkî îfade biko, ma tim desteg da protestoyanê meşrûyan.

La gere protestoyî azadîya û heqê kesanê binan sûîstîmal nêkê.

Çi heyf ke qismêk estê ke, kewenê mîyanê protestoanê şarî, şîdet kenê û bene sebebê merdişê însanan. Hem partîyanê îqdîdarî hem zî partîyanê muxalefetî rê hêrişî ameyê kerdene.

Herêma Kurdistanî de pê gûnîya hezaran şehîdan ameya ronayîş, nê hêrişan de hedef ameya girewtiş. Nê hêrişê ke benê tu feydeyê înan şarê ma û îstîqrarê ma rê çin o.

Ma vînenê ke kesê ke hêrişan kenê hemwelatîyê Herêma Kurdistanî zî nîyê. Nîşankerî guleyan erzenê pêşmergeyan ser o. Pê çekan hêrişkerdişê dezgeyanê hukmatî, pşrotesto nîyo, binpaykerdişê heqanê protestokeran o.