Merkezê Xeberan - Testê vîrusê korona yê Serekwezîra Almanya Angela Merkal negatîf vejîta, la a do hukmatî keyeyê xo ra îdare bika.
Merkel, 20’ê Adare de seba ke doktorê aye bi vîrusê korona kewtbi, gêrîyabî binê karantîna.
Verfekê hukmatê Almanya aşkere kerdbi ke, Merkel do nika ra tepîya zî keyeyê xo de bixebita.
Serekwezîrê Brîtanya Boris Johnson zî keyeyê xo de xebitîyeno.
Testê vîrusê korona yê Johnsonî pozîtîf vejyabi.
Almanya qasê 66,000 û Brîtanya de zî qasê 22500 nêweşê vîrusê korona estê.