Dewa Kuçûka ya qezaya Artûkluya Mêrdînî de seba ke DEDAŞî elektrîkê dewijan birnayo û dewijî nêeşkenî awe peyda bikê, heywanê înan yew bi yew mirenê.
DEDAŞo qezayanê Mêrdinî Dêrik û Qoser de ceyranê çend dewan birnabi, na hewe, ceyranê dewa Kuçûka ya qezaya Artûklû birna. Semedo ke DEDAŞî 15 rojîyo ke ceyran birnayo, pompeyê awe ke pê ceyranî xebiyêne hînî nêxebityênê.
Şêlikê dewe prosesê vîrûsê Korona (Kovîd-19) de bi çînbîyayîşê awe zor û zehmetî mîyan de yê, nêeşkenê pakîya xo bikê û semedê heywananê xo awe peyda bikê.
Dewa Kuçûka de Bûrhan Kaya ajansê MAyî rê qisê kerd û va ke, ez serê sibayî haye bîya mi dî ke 3 mêşnayê mi mi teyşanî ra merdê. Ez 700 mêşnayan wey kena. Dewa ma de 3 hezar heb heywanî estê. Bêwaî ra kezeba mêşnayan xirab bîya û merdê. Sayacê ceyranî nameyê babîyê min ser o yo. Qet deynê ma çino zî onca ceyranê ma ameyo birnayîş. Bê citkarî û karê heywanî sewbîna karê ma çino. Ma se bike ma nêzanê”