Walîtiyê Mêrdînî heta peynîya serre kampanya, rayşîyayîş û kombîyayîşê sîvîlî kerd qedexe.
Kesê ke bajarê Mêrdîn de eke biwazê yew çalakî organîze bikê yan zî kombîyayîşêk organîze bikê gere Walîtîyê Mêrdînî ra destur bigîrê.
Walîtîyê Mêrdînî no derheq de beyanatêk weşana û wina va: Hetanî peynîya serra 2019î Mêrdîn de her çî qedexe yo. Eke bêro waştene ke cayêk de standêk bêro akerdene, yan zî cayêk de protesto bêro kerdene gere Walîtîyê Mêrdînî ra destur bêro girewtene. Eke bê desturê ma yew kombîyayîş bêro organîzekerdene, o kombîyayîş beno suc û kesê ke kombîyayîş bikê do ceza bigîrê. Gorê beyanatê Walîtîyê Mêrdînî, qerarê nê qedexeyî seba muhafezekerdişê asayîşî , can û malê Mêrdînijan amo girewtene.
Gorê beyanatê Walîtîyê Mêrdînî seba dayîşê konser û festivalan zî gere merdim şêro Walîtî ra destur bigîro.
Walîtîyê Mêrdînî vano: Hetanî 31ê Kanûna 2019î Mêrdîn de no qedexe û û tedbîr dewam biko.