Endamê Merkezê HDP Alaattîn Semîr Zûgûrlî û Sedat Ay û hemserekê DBP yê Mêrdînî Şehmûs Sûn û Leyla Bozkûrte amey tewqîfkerdiş. Hemşaredarê Nisêbîn û Bîsmîlî zî serbest amey veradayîş.
Îdarekarê HDP û DBP ê ke 24'ê Temmuze de Mêrdîn de ameybî tepiştişînan înan ra 4 tenî amey tewqîfkerdiş.
Hemşaredarê Partîya Şaran a Demokratîke (HDP) yê Nisêbînî Ferhat Kût, hemşaredara Bismilî Gulşen Ozere, endamê Merkezê HDP Alaattîn Semîr Zûgûrlî û Sedat Ay, hemsereka Partîya Herêmanê Demokratîkan (DBP) ya Mêrdînî Leyla Bozkurte û Şehmûs Sûn û endamê Meclîsê Şaredarîya Nisêbînî Mehmet Emîn Alkan ê ke 24'ê Temmuze de ameybî tepiştiş, vizêr sewqê edlîye bîyî.
Emîn Alkan bi şertê ''kontrolê edlî'' serbest ame veradayîş. 6 sîyasetmedarê bînî bi sucdarîya ''endamîya rêxistine'' ra sewqê mehkema bîyî. Endamê Merkezê HDP Alaattîn Semîr Zûgûrlî û Sedat Ay û hemserekê Partîya Herêmanê Demokratîkan (DBP) ya Mêrdînî Leyla Bozkurte û Şehmûs Sûn amey tewqîfkerdiş. Kesê bînî zî bi şertê ''kontrolê edlî'' serbest amey veradayîş.