Merkezê Xeberan
Hunermend Mem Ararat Amed de bi tewrbîyayîşê seyan hemwelatijan konserêk da.
Hunermendo namdar o kurd Mem Ararat Amed de konserêk da. Konser otelêkê bajarî de ame dayene. Konserî ra ver bi seyan hemwelatijî paweyê Araratî vindetî.
Araratî verê ke deyranê xo vajo, qiseykerdişêko kilm kerd. Araratî qiseykerdişê xo de îzeh kerd ke, o bi heyecanê konserêko newe, bi zerrîgerminîya Aram Tîgranî, bi zerrîgerminîya Meryem Xanê û bi zerrîgerminîya Mihemed Arîfê Cizîrî heme meymananê xo silam keno û seba ke Amed de konser virzeno zaf kêfweş o.
Badê qiseykerdişî Araratî bi deyra ‘Zîz’ dest bi konserê xo kerd û xeylê deyranê weşî têdima vatî û şewa hemwelatijan rind kerd. Tay deyran de hemwelatijî weriştî payan ser û govende çarnayî. Konserê Araratî bi deyrê ‘Dil dosoje’ qedîya.