Merkezê Xeberan- Mesulê polîtburoya YNK Mela Bextiyar o ke wexto ke Berhem Salih sey serekomarê Iraqî ame nîşandayîş YNK ra heredîyayo û beşdarê kombîyayîşan nêbeno derheqê rewşa Iraqî de qisey kerd.
Mela Bextiyarî hesabê xo yê facebookî ser ra beyanat da û wina va: Eke têmîyanbîyayîş û protestoyê ke nika Iraq de benê yewna welatêkê demokratîkî de bibîyêne do çend îdarekerê ê welatî îstîfa bikerdêne û bivejîyêne vere mehkema!
Mela Bextiyarî dewamê qiseykerdişê xo de va: Eger Iraq de nê protestoyî dewam bikê û hûmara kişyayîşê protestokeran zêde biba, o wexto ke pîlê şîîyan do vengê xo bikê berz. O wext ya gere îdarekerê Iraqî fek wezîfeyê xo ra veradê ya zî bi seyan û hezaran kesanê binan bikişê!
Mesulê polîtburoya YNKî Mela Bextiyar vano: Qet dûr nîyo ke Iraq zî bibo sey Sûrîye.