Merkezê Xeberan - Hunermendê kirdî Mehmet Akbaş û solîstê koma muzîkê kirdkî Esrarê Deyîr Adem Karakoç çarçewa projeyê ''Deyîrê Kirdkî- Mîyanê Gefê Çinbîyayîşî de Ziwanêk'' (Zazakî Songs-A Language Threatened By Linguicide) Ewropa de tay konseranê muzîkê kirdkî do bidê.
Hunermendî Mehmet Akbaş û Adem Karakoç bi wesîleya nê konseran bi ziwanê kirdkî deyîran vajê û bikerê ke bala merdiman biancê gefê çinbîyayîşê ziwanê kirdkî (kirmanckî-dimilkî) ser.
Hunermend Mehmet Akbaş û Adem Karakoç bi serran o tedaya sîyasîye ra Ewropa de ciwîyenê û hunerê xo yê muzîkî bi kirdkî pêşkêş kenê.
Hunermendan çarçewa nê projeyî de konserê xo yo verên 19ê sibate de şaristanê Kolnî yê Almanya de kerd.
Tarîx û cayê konseranê ''Deyîrê Kirdkî- Mîyanê Gefê Çinbîyayîşî de Ziwanêk'' wina yê:
Ca: Wuppertal - Café Ada
Tarîx: 04ê Adare
Ca: Rotterdam - Martix
Tarîx: 05ê Adare