Mehkemeya Qanûnê Bingeyî Wekîlê HDPyî Omer Faruk Gergerliogluyo ke wekîlîya ci ameye xespkerdene û ame tepiştene heqdar dî.
Muracatê Wekîlê HDPyî Omer Faruk Gergerliogluyî yo ke 9ê hezîra ne de Mehkemeya Qanûnê Bingeyî rê kerdbi, ame netîcekerdene. Mehkeme hukm kerd ke ''heqê falîyetanê vîjnayîşî û sîyasîyî'' û ''heqê hurîyet û asayîşê merdimî'' yê Gergerliogluyî ameyî binpaykerdene.
Gergerlîoglu rîyê parekerdişê xo yê medyaya sanale yê 2016î ra bi îdîaya propagandaya rêxsitine amebi sûcdarkerdene û cezaya 2 serran û 6 mengan dîyayebî ci.
Badê ke na ceza Mehkemeya Berze de ameye qebulkerdene 17ê adare de wekîlîya Gergerliogluyî dîyaye wardayene û gama ke melîs de nobata edaletî tepiştêne 2ê nîsane de bi zorê polîsan amebi tepiştene û Zîndanê Sîncanî de amebi cakerdene.