Merkezê Xeberan- Nê rojanê peyênan de bajarê Sûrîye Idlib de mabênê eskeranê Tirkîya û rejîmê Sûrîye de pêrodayîş vejîya û 8 eskerê Tirkîya ameybî kiştiş. Tirkîya zî îdîa kerdbî ke înan 76 eskerê Sûrîye kiştê.
Medyaya Rûsya xeberanê xo de îdîa kena ke hukmatê Tirkîye hetkarî dano rêxistina terorî ya El-Nusra.
Her 2 Ajansê fermî yê Rûsya RIA Novosti û TASS, xeberanê xo de îzeh kenî ke, El Nusra hukmatê Tirkîya ra desteg gêna.
Ajansê Federal yê Xeberan o ke nêzdîyê Kremlînî yo xeberêk ke pare kerd.
Sernuşteyê xebere de vajîya ke: “ma rayîrê terorî yê Tirkîya ra hetanî Libya eşkere kenê”.
Xebere de wina nusîya: “Çekdarê El-Nusra aşkere kenî ke, ronayîşê El-Nusra de engişta tirkîya Tirkîya esta. Kesêk bi namê Mehmûd El Necîm vano, remayo Tirkîya, la Tirkîya bi zorî verê ey da El-Nusra, keyeyê ey zî sey rehine destê înan de bîyo”.
Çekdaran ra Ebdulezîzî va: Mi mîyanê grûbane Ehrer El Şam, Artêşa Azad a Sûrîye, Grûpa Zengî de şer kerd… La, dima ra ez bîya El-Nûsra.