Emşo nuştox Denîz Gunduz do hesabanê dîjîtalan ê Weqfa Mezopotamya ser o derheqê 'xebatanê ganîkerdişê kirmanckî' ser o qisey bikero. Bernameyo ke moderatrîya ci do Şadê Agon bikera, saete 20:00 de do dest pêbikero.
Weqfa Mezopotamya ya ke merkezê ci Amed de ya, prosesê pandemî de medyaya dîjîtale ser o bernameyanê xo yê kultur û hunerî rê dewam kena.
Emşo Grûba Xebata Vateyî ra nuştox Denîz Gunduz do bibo meymanê bernameyê bi nameyê 'Şebbihêrkî' yê Weqfa Mezopotamya û derheqê xebatanê ganîkerdişê kirmanckî de qisey bikero. Moderatorîya bernameyî hetê Edîtora Kovara Ziryabî Şadê Agon ra do bêra kerdene.
Bername saete 20:00 de do dest pêbikero. Seyrkerdoxî eşkenê hesabanê dîjîtalan ê Weqfa Mezopotamya ser o bername teqîb bikerê.