Konferans, bi modoratoriya Omer Fîdanî pêk hat.
Di konferansê de Zimanzan Samî Tan, Nivîskar Feratê Dengizî û Aktîvîst Ayşe Gokkan axivîn.
Di axaftina xwe de Samî Tan behsa dîroka bişaftina zimanê kurdî kir û li ser girîngiya xwedîderketina zimanê Kurdî sekinî û pêşniyar kir ku bo zimanê kurdî, meclîsên zimên werin damezirandin û hemû lêkolîn û xebatên zimên, li wê meclîsê bêne kirin.
Li aliyekî din Nivîskar Feratê Dengizî jî di axaftina xwe de got, ziman ne tenê karê jevfahmkirinê ye, ne tenê karê neteweyiyê ye, çand e, hebûn e, hezkirin e, her tişt e ziman ku ji ber vê em dibêjin 'Zimanê me hebûna me ye.