Navenda Nûçeyan
Meclîsa Leşkerî ya Girê Spî daxuyandîye ku heke Tirkîye peymanê binpê bike ew ê gelê xwe biparêze.
Berdevkê meclîsê, Mihemed Hac Mehmûdî eşkere kirîye ku li gor peymana digel Dewletên Yekbûyî yên Amerîkayê hatî îmzekirin HSDyê(Hêzên Sûrîya Demokratîk) çekên xwe teslîmî Meclîsa Leşkerî ya Grê Spî kirîye û heke pêwîst be ew ê gelê xwe biparêze.
“Armanca me parastina ewlehî û aramîya herêmê ye û astengkirina zerer û zîyanan e.”
Mehmûdî da zanîn ku heke Tirkîye peymanê binpê bike armanca wan a sereke dê parastina gelê xwe be.