Merkezê Xeberan- Helîkopterêkê Fransa vizêr welatê Malî de ginabi erd ro û 13 eskerê Fransa merdbî.
Fermandarê Hêzê Sûrîyeya Demokratîke (HSD) General Mazlum Kobanê hesabê xo yê Tiwiterî ser ra Serekkomarê Fransa Macron rê peyamê serweşîye erşawit.
General Mazlum Kobanî peyamê xo de wina va: “Wexto ke ez pêhesyaya helîkopterê şima Malî de ginayo waro û 13 eskerê şima merde ez pê zaf xemgîn bîya. Ez şarê Fransa rê serweşîye wazena.