Fermandarê Hêzên Sûriya Demokratîk (HSD), Mazlûm Kobanî, peyamek di derbarê civîna bi şanda pilebilind a Wezareta Karên Derve ya Amerîkayê, Koşka Spî û Encûmena Asayişa Niştimanî ya Amerîkayê de belav kir û tekezî li mana hêzên Hevpeymaniya Navdewletî li navçeyê heta pêkanîna serkeftina bi ser DAIŞê de û piştgiriya Rêveberiya Xweser kir.
Fermandarê HSDê Mazlûm Kobanî di peyameke li ser Twitterê belav kir de da zanîn, wî bi şandeke pilebilind a Wezareta Karên Derve ya Amerîkayê, Koşka Spî û Encûmena Asayişa Niştimanî ya Amerîkayê re civiya ye.
Mazlûm Kobanî diyar kir, ku civîna li gel şanda Amerîkayê erênî û avaker bûye û destnîşan kir, tekezî li ser mana hêzên Hevpeymaniya Navdewletî li navçeyê ji bo serkeftina temam bi ser DAIŞê de û piştgiriya li istiqrar û bihêzkirina Rêveberiya Xweser hat kirin.