Hat ragihandin ku îro Çarşemê bombeya çandî ya ku çekdarên PKKê li sînorê Amêdiyê li ser riya sivîlan û Pêşmergeyan danîbû bi otomobîleke Pêşmerge de teqiya û Pêşmergeyek di encama teqînê de birîndar bû.
Navenda Medyayî ya Wezareta Pêşmerge bi daxuyaniyekê eşkere kir, “Li sînorê qezaya Amêdiyê çekdarên PKKê bombeyek li ser riya çûnûhatina Pêşmerge û xelkê sivîl çand, di encamê de bombeya çandî bi otomobîleke Pêşmerge de teqiya, her çend e xweşbextane ziyanên canî jê derneketin, tenê Pêşmergeyek bi sivikî birîndar bû.”
Birîkarê Wezîrê Pêşmerge Serbest Lezgîn ragihand: “Dixwazin raya giştî û xelkê Kurdistanê agahdar bikin ku çendîn car e PKK van reftaran li sînorê erkê Pêşmerge dubare dike û herwiha karê têkderane encam dide, bi van reftaran metirsiyê li ser sînor û xelkê sivîl dirust dike.”