Mamosta Ayşe Çelîka ke yew televîzyone de vatbî ‘Wa gedeyî nêmirê’ û coka bi îdîaya “propagandaya terorî kerda” ra erzîyabî hepisxane berat kerd.
Mamosta Ayşe Çelîk serra 2016î de bi telefon bibî mêmana programê Beyaz Show û seba ke uca de vatbî “Wa tutî nêmirê, kay bikê’ bi îdîaya “Propagandaya terorî kerda” ra vejîyab mehkema ver û erzîya hepisxane.
Ewro dewaya aye Dadgeha Cezaya Girane ya Bakirkoya Îstanbulî de estbî.
Dadgeha Bakirkoyî verê cû serrêk û 3 menge ceza dabî mamosta Ayşe Çelîk. Dadgeha Destûrê Bingehînî (AYM) na ceza sey îxlalkerdişê azadîya îfadeyî hesibna û îtîraz kerd. Qerarê AYM ra dima dewa newe ra amey vînayîş.
Mehkema qerarê AYM qebûl kerd û qerarê beratbîyayîşê Mamosta Ayşe Çelîk da.