Navenda Nûçeyan - Rêxistina çavdêrîkirina binpêkirina mafên mirov li Efrînê belav kir, şeva borî artêşa Tirkîyê û grûpên çekdar ên ser bi wê ve gundên Aqîbê û Soxanekê yên navçeya Şêrewa ya Efrînê mûşekbaran kirin.
Li gorî agahîyan, ji encama ketina topekê bi ser xanîyekî de, xanî hilweşîya û tevahîya endamên wê malbata kurd canê xwe ji dest dan.
Navên endamên wê malbata kurd ev in: Hesen Hec Izet, hevjîna wî Fatime û keça wan ya 12 salî bi navê Sirûşt.
Ew malbat ji gundê Birîmce yê navçeya Mabeta ya Efrînê ye û ji dema dagîrkirina Efrînê ji alîyê Tirkîyê û grûpên çekdar di 18 Adara 2018 de koçberî gundê Aqîbê yê navçeya Şêrewa bibû.
Artêşa Tirkîyê û grûpên çekdar hemû navçe û gundên Efrînê dagîr kirine, lê tenê 12 gundên navçeya Şêrewa ên li derdora herdu bajarokên şîenişîn yên Nubul û Zehra di destê YPGê de mane û her car jî ji alîyê artêşa Tirkîyê û grûpên çekdar ve tên topbarankirin.
Basnews K24