Serekkomarê Fransa Emmanuel Macronî kombîyayîşê Yewîya Ewropa yê Brukselî de eşkera kerd ke dewleta tirke komê cergan erşawitî Azerbaycanî ke Karabagê Corî de şer bikerê.
Macronî vat: ''Goreyê zanayîşan teqez cîhadîstê Sûrîye Dîlokî serî ra erşawîyayî Karabagê Corî û nê cîhadîstî tewrê operasyonan benê.''
Macronî kombîyayîş de îfade kerd ke eke vera endamêkê/a Yewîya Ewropa hêriş bêro kerdene û sînoranê ci rê hûrmet nêro mojnayene ganî Ewropa paştdayîşê xo bimojna nê endamî/na endame.
Macronî beyan kerd ke, ê Dengizê Sipî de paştî danê Yunanîstan û Kibris.