Karkerê mewsîmî seba arêdayîşê findikan şîyêne Deryaya Sîya, la mabenê rayîrê Amed û Çewlîgî de mînîbusa înan qeza kerde. Qezayê trafîkî de 3 kesî bi giranî pêro-pîya 21 kesî birîndar bîyî. Şoforê mînîbuse zî ramayo.
Mînîbusa ke karkeranê mewsîmî tede bî rayîrê mabenê Amed û Çewlîgî ser de qeza kerde. Netîceyê qeza de 3 kesî bi giranî pêro-pîya 21 kesî birîndar bîyî. Ame zanayîş ke mîyanê karkeranê birîndaran de tutî zî estî. Ame vatiş ke, karkerî seba arêdayîşê findikan Amed ra şîyêne Derya Sîya. Qeza kişta dewa Licê Korxal de qewimîya.
Badê hedîse xeber dîya ekîbanê weşî û kesê birîndarî wedarîyay Nêweşaneyê Dewlete yê Licê û nêweşxaneyê Darahênî.
Vajîya ke şoforê mînîbuse cayê qeza ra remayo. Seba tepiştişê şoforî gêrayîş dewam keno.