Artêşa Îsraîlî pare kerd ke Gazze de 130 'hedefê leşkerî' yê Hamas û Îslamî Cîhadî yê Gazze ameyî pirodayene û nê hêrişan de 25 kesî kişîyayî.
Vervatoxê artêşa Îsraîlî Jonathan Conricusî eşkera kerd ke Gazze de 130 'hedefê leşkerî' yê Hamas û Îslamî Cîhadî yê Gazze ameyî pirodayene û 15 kesî kişîyayî.
Selahîeytdaranê Filîstînî zî eşkera kerd ke hêrişanê Îsraîlî de tewr tay 20 kesî kişîyayî û nînan ra 9 kesî doman ê.
Çimeyanê Hamasî zî da zanayene ke fermandarê baskê leşkerî yê Hamasî Muhammed Fayyîd zî kişîya.
Şerîdê Gazze ra roja dişemeyî mîyanê çend seatan de nêzdîyê 150 roketî erzîyayî Îsraîlî. Serekwezîr Benyamîn Netanyahuyî vat: ''Îsraîl do bi xurtî têbigêro. Êyê ke hêriş kerdo, do bedelê giranî bidê.''