Namzeto Xoser yê Beledîyeya Girdî ya Îstanbulî Mehmet Celal Baykarayî derheqê Weçînayîşê Îstanbulî yo ke hetê YSK ra ameyo betalkerdiş û 23ê Hezîrane de yeno newekerdene de beyanatêko da.
Namzeto Xoser yê Beledîyeya Girdî ya Îstanbulî Mehmet Celal Baykarayî derheqê Weçînayîşê Îstanbulî yo ke hetê YSK ra ameyo betalkerdiş û 23ê Hezîrane de yeno newekerdene de beyanatêko da.Baykarayî beyanatê xo de îzah kerd ke, o do beşdarê weçînayîşî nêbo û namzetîya xo peyser anto.
Mehmet Celal Baykara weçînayîşê 31’ê Adarê de sey namzeto xoser beşdarê weçînayîşê Îstanbulî bibi. Partîya Azadîya Kurdistan (PAK) Partîya Sosyalist a Kurdistanî (PSK) HAPAR û PDK-Bakur desteg dabî M.Celal Baykara. Baykarayî qerarê YSK ra dima partîyê ke desteg dabî ey dir kombîyayîşî kerdî û netîceyê nê kombîyayîşan de qerarê xo da.
Baykara do beşdarê weçînayîşê Îstanbulî nêbo. Baykarayî beyanatê xo de îzah kerd ke, wexto ke o bîyo namzet meqsedê ey no bi ke xîtabê cematê Kurd û Elewîyê ke Îstanbul de ciwîyenê biko. M.Celal Baykarayî beyanatê xo de wina va: Karê beledîyeyan tena bajarî rê xizmetkerdiş nîyo. Gere beledîyeyî seba lazimtîya şarî bi awayo azad îmkananê sey kultur û îtîqatî peyda bikê. Ma kampanyaya xo ya weçînayîşî nê qeydeyan ser o rona û xebate kerde. La çi heyf ke weçînayîşê 31ê Adare bi darbeyê YSK ameyo betalkerdene. No qerar, qerarêko qanûnî û adîlane nîyo. Ez heme partîyan rê serkewtiş wazena.