Di duyemîn Lutkeya Libyayê ya Berlîn a Almanya hat lidarxistin de, bang hat kirin ku hêzên biyanî yên li Libyayê bê derengmayîn û bilez ji nav erda Libyayê bên vekişandin.
Di konferansê de herwiha Tirkiyê jî şerh danî ser biryara vekişandina hêzên biyanî.
Wezîrê Derve yê Almanya Heiko Maas piştî konferansê ragihand ku hêzên şêwirmendiya leşkerî û rahênanê dikin ne di nav de, biryar hatiye dayîn hemû çekdarên bi pere ji Libyayê bên derxistin.
Hêjayî bibîrxistinê ye, Rûsyayê hêzên bi pere yên Wagner şandibûn Libyayê û Tirkiyê jî çekdarên opozîsyona Sûriyê yên girêdayî xwe şandibûn Libyayê ku hê jî ew hêz nehatine vekişandin.