Taxa Karincagî ya mezraya Medrese ya qezaya Licê ya Amedî de meyîtêk ame vînayîş. Vajîya je, meyît aîdê camêrdêk o û pê sîleh kişîyayo. Meyît hetê şîwanêk ra ame dîyene û dima zî ekîpê cendirmeyan sewqê cayê hedîse bîyî.
Gorê zanayîşan meyît aîdê Alî Yîgît (60) o ke taxa Karincagî de ciwîyayêne û bedenê Yîgîtî de rêçê guleyan estê.
Cenazaya Yîgîtî seba otopsî erşawîya Nêweşxaneyê Dewlete yê Selahattîn Eyyûbîyî. Ame îdîakerdene ke Yîgît netîceya pêrodayîşêkê derheqê erazîyî de ame kiştene.