Dewa Licê Banadêran de operayona eskerî hewa û war ra deam kena. Gulevarnayîşî de leşkeran dewijo bi nameyê Onûr Vûral destbend kerd û nêno zanayene ke înan o berdo kamca.
Perey leşkeran dorê dewa Banadêran a Licê ya Amedî girewt û operasyon da destpêkerdene.
Ame vatene ke operasyone de dewijo bi nameyê Onûr Vûral ameyo birîndarkerdene. Leşkeran bi birîndarî Vûral destbend kerdo û nêno zanayene ke leşkeran o berdo kamca. Hewna zî destûr nêno dayene ke çew şoro dewe û bêro.
Dewijan vat ke mîyanê roje de leşkeran adir verdayo daristanê dorê dewe, destûr nêno dayene ke adir bêro hewnakerdiş yan zî îtfaîye bêro.
Ame pêhesnayene ke sere sibayî de zî dewanê Merdînya, Koçeran û Dengilava de zî operasyone ameya destpêkerdene û destûr nêno dayene ke çew şoro dewan û bêro.