Nêzdîyê paytextê Lîbya Trablûs de merkezê macîran rê hêrişê hewayî virazîya. Netîceyê hêrişî de 40 macîrî amey kiştene û 80 zî birîndar bîyî.
Merkezê macîran ê paytextê Lîbya Trablûs de rîyê hêrişê hewayî ra 40 macîran vefat kerd û 80ê xo zî birîndar bîyî.
Herîşê hewayî hema hetê kesêk ra nêameyo xoser girewtene la general Halîfe Haftaro ke wazeno Trablûsî bigero sey mesule hêrişî yeno nîşandayene.
Buroya Komîserîya Berze ya Macîran a Neteweyê Yewbîyayeyî yê Lîbya hesabê xo yê Twîtterî ra beyanat da ke ê rîyê nê hêrîşî ra zaf qesewat kenê û va: ‘’Sivîlî gere çirey hedef nêbê’’.
Macîrê ke Lîbya de yê maxdûrê pêkerdişê hukmatê Lîbya û welatanê Ewropa yê. Macîrê ke derya de yenê tepiştene peyser erşawîyenê Lîbya. Goreyê pêkerdişî Lîbya macîran erdê xo de tepişnena. Rêxistinanê Efû nê pêkerdişan sey teberê merdimatî vînenê û vera ci reaksîyon danê. Macîrî sey koleyan yenê rotene zî. Derheqê naye de dîmenî vejîyayîbî meydan.
2011 de Mûammer Kaddafî bi mudaxaleyê NATO amebi wardayene. Dimayê wardayîşê Muammer Kaddafîyî Lîbya ke kaos de ya de cîya di hukmatî estê. Reyna zaf mîlîs û grûbî zî herêmanê xo de qanûnanê xo bica anê.