Wezareta Tenduristiya Tirkiyê ragihand ku di nav 24 saetên borî de, 66 kesên pêketiyên vîrusa koronayê can dane.
Wezaretê di tabloya îro 18ê Tîrmehê de eşkere kir ku 7 hezar û 680 pêketiyên nû hatine tomarkirin û 66 kesan jî li Tirkiye û bajarên bakurê Kurdistanê ji ber nexweşîya vîrusa koronayê wefat kiriye.
Herwiha hat diyarkirin ku 5 hezar û 835 nexweş jî baş bûne.
Di tabloyê de hat eşkerekirin ku heta niha 38 milyon û 942 hezar û 491 doza yekê û 20 milyon û 719 hezar û 853 jî doza duyem a derziya koronayê li hemwelatiyan hatiye xistin û bi tevahî hejmara derzîyên hatine lêdan gihîştiye 63 milyon û 290 hezar û 483 kesan.
Hêjayî gotinê ye hatiye destnîşankirin ku li bajarên Bakurê Kurdistanê yên Bedlîs, Riha, Mêrdîn, Sêrt, Diyarbekir, Mûş, Batman, Çewlig û Îdirê li gorî rêjeya derzîkirinê kêm e ku xelk bi xwe naçe derziyê li xwe nade.