Îro Duşemê berî nîvro li ser cadeya Topçular a Sancaktepe ya Stenbolê helîkoptereke leşkerî xwe li ser banê avahiyeke 4 qatî da û kete xwarê. Piştî bihîstina ketina helîkopterê, polis û tîmên agirvemirandin û tendirûstiyê gehiştin cihê bûyerê.
Di encama bûyerê de 4 leşkeran canê xwe ji dest dan û leşkerekî din jî birîndar bû. Qurbanî bi ambulansan bo nexweşxaneyê hatin veguhestin. Polîsan şerîta ewlekariyê li derdora cihê bûyerê kişandin û nahêlin welatî biçin cihê bûyerê.
Parêzgarê Stenbolê Alî Yerlikaya ragihand ku helîkoptereke wan a leşkerî ji ber sedemên nediyar li Samandere di dema perwerdeyê de ketiye xwarê û 4 kesan canê xwe ji dest dane û yek jî birîndar e. Herwiha da zanîn ku derbarê bûyerê de lêkolînê destpê kiriye.
Li aliyê din Wezîrê Berevaniyê yê Tirkiyê Hulusî Akar jî bi armanca lêkolînan serdana Sancaktepe dike.