Li sînorê parêzgeha Kerkûkê termê efserekî Pêşmerge yê malnişîn di nav baxê xwe de kuştî hate dîtin.
Rêveberê binkeyê polîsê Domîz a bajarê Kerkûkê Eqîd Yusif Salih ji BasNewsê re ragehand: ‘’Duh 20.04.2021ê termê Pêşmergeyê malnişîn Muqedem Necat Hesen Mihyedîn ê dayîkbûyê sala 1967 di nav baxê xwe yê li sînorê gundê Çîmen ê ser bi nahyeya Qerehencîr a ser bi Kerkûkê bi kuştî hate dîtin.’’
Herwaha got: ‘’Ew kese rûniştvanê navçeya Dûriskek a bajarê Kerkûkê ye, ku ew navçeye dikeve sînorê binkeyê polîsê Domîz a bajarê Kerkûkê û naha lêkolîn derbarê kuştina wî kesî de destpê kiriye.’’