Li gor zanyariya Rûdawê, beriya hefteyekê, li Şingalê du gorên bi kom ên kurdên Êzidî hatine dîtin. Di gorê de jin û zarok jî di nav de, termên 90 kesan derket.
Li gorî zanyariyên berpirsên Hikûmeta Herêma Kurdistanê, 80 kesên hatine gulebarankirin, xelkê bajarokê Cezîre ya başûrê Şingalê bûne û 10 ji wan jî xelkê gundê Qabûs bûne.
Feysel Şemo kurdekî Êzidiye û wî bi çavên xwe ev komkujî dîtiye û dibêje: “Destpêkê 3 otomobîl hatin, xelk têde anîn, paşî otomobîlên wan ên leşkerî hatin. Me dît hemû bi rêz kirin û paşî gulebaran kirin.”