Parêzgariya Sêrtê ji bo dema 15 rojên din jî qedexeya her cûre çalakî û xwepêşandanan ragihand. Herî dawî qedexeya li Colemêrgê hatibû dirêjkirin.
Parêzgariya Sêrtê di daxuyaniyekê de ragihand, ku her cûre çalakiyên weke meş, xwepêşandan, civînên rojnamevanî û vedana çadir û standan bo dema 15 rojan hatin qedexekirin.
Di daxuyaniyê de tê gotin, “bi armanca prensîpên serekî yên komarê, yekparçeyiya dewlet û neteweyê, binpê nekirina maf û azadiyên kesên din, asayîşa xelkê û anîna aramiyê, rêgirtin li tawan, parastina maf û azadiyên xelkê, rêgirtin li zêdetir belavnebûna Corona” biryara qedexekirina xwepêşandan û çalakiyan hatiye dayîn.
Ev di demekê de ye ku heyamek e dirêj e, li parêzgehên Bakurê Kurdistanê qedexe tên ragihandin û berdewam tên dirêjkirin.
Herî dawî jî duh li Colemêrga Bakurê Kurdistanê, ji bo dema 15 rojan hemû cûre çalakiyên weke xwepêşandan, konferansên rojnamevanî, girev girtin û vegirtina konan hatibû qedexekirin.