Li navçeya Avkevirê ya parêzgeha Agirî ya Bakurê Kurdistanê lehî rabû û jinekê jiyana xwe ji dest da, herwiha ji ber lehiyê xanî û axurên gundiyan zirar dîtin.
Li gundê Şêx Birahîmê ya ser bi navçeya Avkevirê ya ser bi parêzgeha Agiriyê ve piştî baraneke zêde çem û rubaran di ser re avêtin û lehî rabû.
Piştî agahdarkirinê, Serokatiya Rêveberiya Karesat û Rewşên Bilez (AFAD) û tîmên tenduristiyê yekser çûne gund û dest bi xebatan kirin.
Li gundê Şêx Birahîm jina bi navê Emîne Ulker ji tirsa lehiyê celteye dil lêda û di dema veguhestina nexweşxaneyê de jiyana xwe ji dest da. Herwiha jineke din jî ku ji lehiyê tirsiya bo nexweşxaneyê hat veguhestin.
Ji ber lehiyê li gund, malek bi temamî rûxiya û gelek mal û axuran jî zirar dîtin.
Herwiha saziya keşûhewayê, ji bo bajarê Erzerom, Erzîngan, Erdexan, Qers, Agirî û Îdirê bo roja Duşemê derbarê barana zêde de hişyarî da welatiyan.