Li Serêkaniyê ya ku di bin kontrola Tirkiyê û grûpên çedar de ye şer derket

Hat zanîn ku di navbera grûpên paramîlîter de şer derketiye. Du topên hewanê jî li Serêkaniya Rihayê ketine. 
 
Li bajarê Serêkaniyê ya girêdayî Bakur û Rojhilatê Sûriyê ku di bin kontrola Tirkiyê û grûpên paramîlîter bi navê Artêşa Milî ya Sûriyê (SMO) de ye şer derket. Li gorî agahiyên ji çavkaniyên xwecihî hati bidestxistin; şer di navbera Şukur El Şam û Tugaya Sultan Mûrat de qewimî. Di şer de çekên giran hatine xebitandin. Li gorî îdiayê jî hat gotin ku 2 topên hewanê li navçeya Serêkaniyê ya Rihayê ketine. Hat zanîn ku ev topên hewanê li eraziyê vala ketine. 
 
Hat gotin ku şer li Serêkaniyê didome.