Rûdaw

Rêveberîya Xweser derbarê pêşhatên herî dawî yên ku li deverê rû didin, û gefên Tirkîyê bo encamdana êrîşeke leşkerî li dijî Rojavayê Kurdistanê, daxuyanîyek nivîskî belav kir.

Di daxuyanîyê de, Rêveberîya Xweser dibêje: “Li hember gefên Tirkîyê û çeteyên Sûrî, em rewşa amadebaşîya giştî bo 3ê rojan radigihînin.”

Rêveberîya Xweser herwiha bang li hemû xelkê herêmên di bin kontrola xwe de û hemû sazîyan dike û dibêje: “Em bang li hemû rêveberî, sazî û gelê xwe bi hemû pêkhateyan dikin ku berê xwe bidin ser sînor.”

Di beşeke din a daxuyanîya xwe de, Rêveberîya Xweser dibêje: “Em bang li gelê xwe li Kurdistan û tevahîya cîhanê dikin, ku bi erkê xwe rabin û dest bi protestokirin û grevan bike.”