Navenda Nûçeyan - Hevseroka Desteya Perwerdeyê li Rojavayê Kurdistanê Kewser Doko ragihand ku, ji ber metirsîya belavbûna koronayê, girtina dibistanan li herêmê berdewam dibe û ew ji bo berdewakirina perwerdeyê amedekarîya xwendina li malê dikin.
Kewser Doko got dê xwendevan perwerdeya xwe li malê, bi rêya dersên amedekirî werin dayîn.
Desteya Perwerdeyê li Rojavayê Kurdistanê, ji 14ê Adarê û heta niha biryara bêhinvedana tevahî dibistanan dabû.
Li Rojavayê Kurdistanê 789 hezar û 225 xwendevan li 4 hezar û 317 dibistanan xwendina xwe dikin.
Ev yek di demekê de ye, ku Rêveberîya Xweser ji bo rêgirtin li belavbûna vîrusa COVID-19 li Rojavayê Kurdistanê û navçeyên din ên di bin kontrola wê rêveberîyê de, ji roja Duşemê 23ê Adarê ve bo dema 15 rojan qedexeya derketina derve ragihandîye.