Li bajarokê Heran a ser bi parêzgeha Riha ya Bakurê Kurdistanê ve di navbera tîmên kontrola elektrîkê û nîştecîhên taxekê de pevçûnek derket û di bûyerê de 4 erkdarên kompaniya elektrîkê birîndar bûn.
Li gor nûçeya DHAyê, li du gundên Şeben û Abancurda yên ser bi bajarokê Heranê ve tîmên Kompanyaya Belavkirina Elektrîkê ya Dîcle (DEDAŞ) ji ber elektrîka neyasayî û nedana deynan xwest elekrîka wan gundan qut bike.
Hewldana karmendên DEDAŞê bo qutkirina elektrîka gundên Şeben û Abancurda rastî nerazîbûna nîştecihên wan gundan hat û welatiyan bi dar û keviran êrîşî tîmên elektrîkê kirin.
Li gor agahiyan di bûyerê de 4 erkdarên DEDAŞ birîndar bûn.
Piştî derketina aloziyan, hêzên cendirme bo wan gundan hatin şandin û ji bo qelebalixiya xelkê belav bibe, cendirmeyan fîşekên hewayî avêtin.
Piştre tîmên kompanyaya elektrîkê bi alîkariya cendirmeyan ji wan gund derketin.
Hatiye ragihandin, derbarê bûyerê de lêpirsîn hatiye destpêkirin.