Navenda Nûçeyan - Roja Sêşemê, 3 taxên bajarokên Darende, Hekîmxan û Erepgîr ji ber belavbûna vîrûsa koronayê hatin kerentînekirin û çûn û hatina bo wan her 3 taxan hat qedexekirin.
Roja Yekşema derbasbûyî çend kes ji derveyî welat vegerîyan Meletîyê û bi mêvanî çûne malên kes û karên xwe yên li wan hersê taxan.
Piştî demekê ji ber bilindbûna pileya germaya laşê wan 5 kes bo nexweşxaneyê hatin veguhestin.
Piştî ku derket encama testa wan pozîtîv e, ew hersê taxên ku serdana wan kiribûn hatin kerentînekirin. Cendirmeyan rêyên wan taxan kontrol kirine û heta 14 rojan rê nadin çûn û hatina kesî.
Herwiha her îro Qewmiqamîya Sasonê ragihand ku ji ber metirsîya belavbûna koronayê gundê Tizî hate kerentînekirin.