PDK-Sê, do bi rêûresmeke li bajarê Kobanî yê Rojavayê Kurdistanê, ji nû ve bi fermî ofîsa xwe vekir.
Partiya Demokrata Kurdistan-Sûriye (PDK-S), do bi rêûresmeke mezin a bi beşdariya nûnerên partiyên Kurdî, nûnerên rêxistina civaka sivîl û kesayetiyên serbixwe re, careke din bi fermî ofîsa xwe li Kobaniyê vekir.
Ji 6 salan zêdetir e, ji dema êrîşa DAIŞê de li ser Kobanî di Îlona sala 2014an de, ofîsa PDK-Sê jî wekî tevahiya ofîsên partiyên din li Kobanî hatibû girtin, PDK-Sê ji nû ve ofîsa xwe li Kobaniyê vekir.
Vekirina ofîsa PDK-Sê li Kobanî di demekê tê, ku piştî destpêka diyaloga Kurdî-Kurdî li Rojavayê Kurdistanê, partiyên ENKSê bi serbestî ofîsên xwe vekirine û karê xwe yê siyasî eşkere û bi fermî berdewam dikin.