Îşev berî demekê li Taxa Wasit a bajarê Kerkûkê teqînek çê bû.
Di encama teqînê de kesek hatiye kuştin û 2 kes jî birîndar bûne.
Teqîn di demjimêr 23:27an de û ji ber teqîna bombekê di nava zibildanekê de çêbûye.
Li gorî Rûdawê, di encama teqînê de, kesek bi navê Yasir Celal hatiye kuştin û 2 kesên din jî bi navên Muzefer Îbrahîm û Ela Muhsin birîndar bûne.
Peyamnêrê Rûdawê da xuyakirin, ku li gorî zanyariyên destpêkê di encama teqînê de kesek hatiye kuştin û 2 kes jî birîndar bûne.
Derbarê teqînê de Polîsê Kerkûkê di daxuyaniyekê de ragihand: "Birîndarên teqînê li nexweşxaneya Komarî ya Kerkûkê ne. Hêzên ewlekariyê jî dest bi lêkolînê kirine û zêdetir ji xaleke kontrolê di nava taxan de danîne."