Li Zaxo li kampa Bîrsivî ya awareyên Şengalê, şewat derket û di encamê de, bavek û du kurên wî jiyana xwe ji dest dan.
Li gor zanyariyan, ji ber kontakteke elektrîkê agir bi çadirekê ket. Dayîk û bavê wê malbatê di nav çadirekê de û zarokên wan jî di nav çadira li tenişta wan de bûye, agir bi çadira zarokan ketiye û bav hewl daye zarokên xwe rizgar bike, lê belê bav û du zarokên wî di nav şewatê de jiyana xwe ji dest dane. Tenê zarokek rizgar bûye ku ew jî li cem dayika xwe bûye.
Herwaha hatiye eşkerkirin: Di vê bûyera şewatê de 5 çadirên koçberan bi temamî şewitîn û ziyanên canî û madî li dû xwe hişt.
Bûyer di saet 01:00ê şevê de qewimiye û di bûyerê de pênc kes jî birîndar bûne, ku yek ji wan, dayika wan her du zarokan e.