Li başûrê Îranê vê sibê sê car li pey hev erdhej rûda, li gor amaran 5 kesan canê xwe ji dest dan û 39 kes jî birîndar bûn.
Li başûrê Îranê vê sibê sê car li pey hev erdhej rûda, li gor amaran 5 kesan canê xwe ji dest dan û 39 kes jî birîndar bûn.
Parêzgarê Hurmuzgan Mehdî Dostî di civîneke çapemeniyê de ragihand: “Ji ber erdheja vê sibê, heta niha 5 kesan canê xwe ji dest dan û 39 kes jî birîndar bûn.”
Mehdî Dostî destnîşan kir: “Ziyana herî mezin li gundê Sayexoş ê ser bi Bender Xemîr ketiye û 300 xaniyên welatiyan bi temamî zirar dîtine.”
Parêzgarê Hurmuzgan dibêje, erdhejê zirar daye jêrxana navçeyan, bi taybetî li rê, pir û xetên veguhestina elektrîkê.
Li gor çavkaniyên nûçeyan, hêza du erdhejan 6.1 pile û erdhejek jî bi hêza 6.3 pile qewimiye û li Îmaratê jî hatiye hîskirin.