Zindaniyên li Girtîgeha Elezîzê ji Navenda Komeleya Mafên Mirovan re bi nameyekê, bal kişandin binpêkirinan û gotin rêvebiriya girtîgehê bi hinceta ewlehiyê pirtûkên bi Kurdî nadine wan.
Girtiyan di nameyê de bal kişandin ser van binpêkirinan û wisa gotin; "Pirtûkên me yên helbest, roman û çîrokan ên bi Kurdî nadine me. Bo wergera van pirtûkên Kurdî, heqê wergêrê ji me dixwazin û bi hinceta 'ewlehiya navxweyî' pirtûkên me yên bi Kurdî nadine me. Bi vê sepandinê, bo zimanê Kurdî hesasiyeteke mezin heye. bo sitandina pirtûkan sînora ewlehiyê danîne û digel vê jî nexşeyên dîrokî, nexşeyên sîyasî an jî fizîkî û ferheng û pirtûkên olî û yên muzîkê jî xistine vê sînordarkirinê"
Li ser vê nameyê İHDê jî serî li Komîsyona Mafên Mirovan a TBMMê û Gerînendetiya Ceza û Girtîgehan a Wezareta Dadê da.