Li navçeya Geverê 7 kesên ku piştî teqîna otomobîla zirxpoş a leşkerî hatibûn desteserkirin, hatin girtin.
Li navçeya Geverê ser bi parêzgeha Colemêrgê ya Bakurê Kurdistanê 27ê Temûzê dema otomobîleke zirxpoş a artêşa Tirkiyê derbas dibû teqînek çêbûbû û piştî wê teqînê 7 kes hatibûn destserkirin.
Li gor agahiyan doh karûbarên îfadeya wan her 7 kesan li dozgeriyê bi dawî bûne û ew kes ji aliyê Dadgeha Cezayan a Geverê ve bi îdiaya “Têkdana yekitiya welat û yekbûna dewletê” bi cezayê heta hetayê yê zîndankiribnê hatine girtin.
Hate ragihandin ku ew 7 kes piştî karûbarên li dadgehê bo girtîgeha Colemêrgê hatine veguhestin.
Di roja teqînê de 2 şivanên bi navên Levent Dere û Harun Ortaş hatibûn desteserkirin û dema desteserkirina wan bo 4 rojan hatibû dirêjkirin. Herwiha Davut Saritaş û Abbas Kirmizitaş li mezraya Muşan ji aliyê hêzên ewlekariyê ve hatibûn desteserkirin û bo cihê teqînê hatibûn birin.
Her di çarçoveya heman lêkolînê de welatiyên bi navên Rifat Ekici, Menderes Ekici û Memduh Akbaş jî di girtina bi ser malan de hatibûn desteserkirin.