Navenda Nûçeyan- Şeva borî hêzên Efxanistanê bi piştevanîya hêzên Amerîkî, li devera Çerx ya eyaleta Loger ya Efxanistanê operasîyonek li dijî çekdarên Taliban pêk anîn.
Li gorî agahîyan, di wê operasîyonê de helîkoptereka Amerîkî ket. Di wê rûdanê de du serbazên Amerîkî hatin kuştin.
Berpirsên Taliban dibêjin, ew helîkopter ji alîyê çekdarên wan ve hatîye xistin lê berpirsên Amerîkî ew red kirine.
Li gorî amarên Pentagonê, ji sala 2001 ve heta niha du hezar û 218 serbaz û personelên Amerîkî li Efxanistanê hatine kuştin.
Çavkanî: Basnews