Welatiyekî ji Efrînê ragihand ku doh roja Çarşemê çekdarên opozisyonê kêlik û gorên goristana gundê Edama yê ser bi bajarokê Reco ve têk dane û bi erdê re rast kirine.
Bi gotina wî welatiyê ji Efrînê, hinceta çekdaran bo têkdana kêl û goran, ew bûye ku ew kêl û gor ji erdê bilind in û li gor hizrê wan, divê bi erdê re bên rastkirin.
Hefteya bihorî jî çekdarên opozisyonê kêl û gor, li gundê Meydankê yê ser bi nehiyeya Şera yaEfrînê ve bi heman behaneyê têk dabûn û bi erdê re rast kiribûn.
Di Kanûna bihorî de jî, bi hinceta firehkirina rê, çekdaran heman kiryar li gundê Sinarê yê ser bi nehyeya Şera kiribûn û zêdeyî 500 gorên goristana wî gundî têk dabûn.