Welatiyekî ji Efrînê ragihand, ku çekdarên opozisyona Sûriyê ciwanekî Kurd ê bi navê Ehmed Ebdulletîf revandine û heta niha çarenivîsa wî nediyar e.
Ehmed Ebdullteîf xelkê gundê Nisriyê yê ser bi nahiyeya Cindirêsê ve ye.
Her li Efrînê çavkaniyekê ragihand, ku çekdarên hêza bi navê Sultan Silêman Şah, ku bi navê El-Emşat naskirî ye, cotkarê Kurd ê bi navê Zekî Ebdo ji Nahiyeya Şiyê revandine.
Li gorî agahiyên ji çavkaniyên xwecihî, çekdarên grûpa Sultan Silêman Şah daxwaza pereyan ji malbata wî cotkarî dikin.
Ji 18ê Adara bihorî ve heta niha, nêzîkî 2 hezar welatiyên Efrînê li ser destên çekdarên opozisyonê hatine revandin.