Berpirsa navenda Duhokê ya piştevaniya jin û keçan Luma Hazim ji BasNewsê re ragehand: ‘’30 keç û jinên rizgarbûyî nêzîk hezar parçe karên xwe yên destî pêşandan û bi firotina wan berheman ve jî dahata wê dê bo programên çareseriya derûnî li navenda rizgarbûyan re bê cuda kirin. Piştî ku revandiyên destê DAIŞê hatine rizgar kirin di navenda piştevaniya jin û keçan de me çareseriya wan a derûnî pêkaniye û ji bo careke din ew rizgarbûyên êzdî bikarin vegerin civakê bi awayek asayî jiyana xwe bidomînin me xebatên taybet kirin.’’
Herwaha got: ‘’Îro heta sibê 26.11.2017ê dê berhemên jin û keçên rizgarbûyên destê terorîstên DAIŞê bên pêşandan li Family Moll a Duhokê.’’